arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government

Disgrifiad

Ganed yr arlunydd Cedric Morris (1889-1982), yn ardal y Sgeti, Abertawe. Roedd yn ddisgynydd i John Morris, perchennog gwaith copr Treforus. Treuliodd ei flynyddoedd cynnar yn y Gŵyr a chafodd ei addysgu yn Ysgol Charterhouse. Aeth i Baris ym 1914 a dychwelodd yno wedi'r Rhyfel Byd Cyntaf i astudio celf. Teithiodd ledled Ewrop a bu'n byw yng Nghernyw a Llundain. Daeth i Gymru i baentio ym 1928 ond cyn hir trôdd ei sylw at gynorthwyo'r di-waith yn rhai o gymunedau dirwasgedig y cymoedd. Bu'n weithgar iawn yn y cyswllt hwn gyda threflan addysg Dowlais. Ef hefyd oedd un o brif drefnwyr Arddangosfa Celfyddyd Gyfoes Cymru a gynhaliwyd yn Llyfrgell Genedlaethol Cymru ym 1935. Symudodd Morris yn ddiweddarach i East Anglia gyda'i gyfaill Arthur Lett-Haines, lle sefydlodd y ddau ysgol gelf ym 1937.

Sylwadau (0)

Rhaid mewngofnodi i bostio sylw