Ganwyd Moses Jenkins ar 11 Hydref 1879 yng Ngelligaled, Cwm Rhondda, yn fab i Thomas a Sarah Jenkins. Ef oedd yr ail fab ac, fel ei dad, fe aeth i weithio fel glöwr pan oedd yn ddigon hen. Priododd â Bronwen Evans ym 1901 ac fe ddechreuon nhw eu bywyd priodasol yn Nhylorstown, Cwm Rhondda, cyn symud i Aberpennar wrth i'w teulu dyfu. Parhaodd Moses i weithio yn y pwll glo, ond roedd hefyd yn adnabyddus am ei lais canu da.
Ar ôl dechrau'r rhyfel fe wirfoddolodd Moses ar gyfer y fyddin ac erbyn 1915 roedd yn y Royal Field Artillery, 121st brigade. Roedd yn gwasanaethu yn Ffrainc ym 1917 pan fu farw o'i anafiadau ar Fehefin 7 wedi i siel ffrwydro. Gadawodd ar ei ôl wraig a phump o blant, o 4 oed i 15 oed. Mae ei fedd ym mynwent filwrol Mendinghem ger, Gwlad Belg. Dyma fedal y '1914-15 Star', a dderbyniodd ei deulu am ei wasanaeth.