Ganwyd John James Blair yn Oldham ond ymunodd â'r fyddin yn Abertawe, gan fod ei fam, Alice, yn byw ger Norton yn Y Mwmbwls. Ymunodd â'r 6th East Lancashire Regiment a daeth yn Gorporal cyn cael ei ladd ar faes y gad ym Mesopotamia (h.y. Irac) ar 16 Ebrill, 1916, yn 21 oed. Mae ei enw ar gofebion yn Basra a'r Mwmbwls ac fe'i coffawyd ag anrhydedd ar Groglen Goffa y Rhyfel Mawr, Eglwys All Saints', Y Mwmbwls, Abertawe.