Ysgrifenna Owen y llythyr hwn o Wersyll Thirtle Bridge, Withernsea, Swydd Efrog. Mae'n oer iawn ond nid ydynt wedi cael rhyw lawer o eira. Bu'n rhaid i Owen a bachgen arall ddod o'r tŷ coginio er mwyn bod yn rhan o'r orymdaith. Aeth Owen at y deintydd dydd Sadwrn, nid oedd wedi bwriadu mynd ond cafodd rybudd oddi wrth y Corporal Dydd, nos Wener ddiwethaf. Bellach mae Owen yn cysgu mewn cwt mawr gyda thua phedwar deg arall. Mae nifer o rai newydd yn ymuno â hwy yma. Sonia Owen am bobl adref a dywed y bydd yn anfon ei wasgod. Mae'n amau y bydd ar y drafft yn fuan os bydd y doctor yn rhoi caniatâd iddo.