Mae Owen wedi cyrraedd Gwersyll Halsham, Ottringham, Swydd Efrog a dywed wrth ei rieni ei fod yn cadw'n dda ynghanol y mwd. Roedd carfan a adawodd am Ffrainc nos Wener yn cynnwys nifer o ffrindiau Owen gan gynnwys Edward. Dywed Owen ei fod yn meddwl y byddai ef wedi cael mynd hefyd heblaw am y problemau mae wedi cael gyda'i ddannedd. Mae pawb wedi cael digon ac mae'n le ofnadwy pan fo'n oer a gwlyb. Sonia am ddigwyddiad rhyfedd yn Hull lle saethodd mab dwy ar bymtheng mlwydd oed ei dad; roedd yn un o naw o blant. Ar ddiwedd ei lythyr dywed Owen:
'i mae llawer Mam a thad fel chwithau a bechgyn bach yma, fel finnau. does gyda ni ond gobeithio y bydd ir hwn sydd uwchlaw pawb arall yn gofalu amdanom i gyd'