Rhaglen Cyngerdd Mawreddog yn y Drill Hall Llandilo / Llandeilo dan nawdd Côr Meibion Llandilo a’r Fro ar nos Iau 26 Mai 1932

Disgrifiad

Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Cyngerdd Mawreddog a gynhaliwyd yn y Drill Hall (Neuadd Ddinesig), Llandilo / Llandeilo dan nawdd Côr Meibion Llandilo a’r Fro ar nos Iau 26 Mai 1932 am 8 o’r gloch. Arweinydd y gyngerdd oedd D. R. Emlyn Evans LRAM LTRL, Llandeilo; y Cyfeilyddion oedd Miss Nancy Jones LRAM LTRL, a Mr R. J. Evans Aberayron / Aberaeron; a’r Cadeirydd oedd Dan F. James Ysw., Llandeilo. Aeth elw’r gyngerdd tuag at Ysbyty Abertawe a Llanymddyfri.