Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Cyngerdd Cysegredig a gynhaliwyd yn Neuadd y Farchnad, Llandilo / Llandeilo ar ddydd Sul 20 Gorffennaf 1930, dan nawdd Siambr Fasnach Llandilo. Llywydd y digwyddiad oedd Selwyn Davies Ysw., Llundain.