Erbyn diwedd y bedwaredd ganrif ar bymtheg roedd gan Landeilo cyfran dda o leoliadau perfformio, megis y capeli, y Neuadd Ddinesig, Neuadd y Farchnad ac Eglwys Sant Teilo. Roedd gan y rhain galendrau llawn o gyngherddau, digwyddiadau codi arian, ac eisteddfodau, a oedd yn denu cynulleidfaoedd o bell ac agos. Dyma raglen Opera ‘Faust’ mewn ffyrdd cyngerdd a gynhaliwyd gan y ‘Llandilo Choral Society’ yn y Drill Hall (Neuadd Ddinesig / Neuadd Victoria), Llandeilo ar ddydd Mercher ac Iau, Ebrill 25 a 26, 1928 am 8yh. Arweinydd y noson oedd Idris Daniels ARCO; y cyfeilydd oedd Miss Nancy Jones LRAM; y Llywyddion oedd yr Uwch Gapten J. W. Bishop, Llandeilo, a’r Is Gyrnol T. Lloyd-Harries DL, JP. Ymhlith yr artistiaid oedd Miss Mabel Linwood (Mezzo-Contralto), sydd wedi llofnodi’r rhaglen. Yn y gerddorfa yr oedd Carey Morris (arlunydd enwog) yn canu’r cello.