Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.

Disgrifiad

Band Tref Llandilo / Llandeilo Datganiad o Gyfrifon, rhwng Tachwedd 1905 - Tachwedd 1906. Arweinydd y band oedd Mr W B Watkin, y Trysorydd oedd Mr E Edwards, a'r Ysgrifennydd oedd Mr Thomas J James, Cambrian House. Ymhlith y gwariant oedd llog ar fenthyciad, dysgu proffesiynol, a llogi a goleuo ystafell y band, ynghyd a costau tren a mynediad i'r chwaraewyr band yn y lleoliadau canlynol - Llanymddyfri, Llanwrtyd, Abertawe, Llandeilo a Mwmbwls. Ymhlith y derbyniadau oedd tanysgrifiadau'r flwyddyn a gwobrau ariannol amrywiol, gan gynnwys gwobr gyntaf o £10 (ond derbyniwyd £5 ohono) ar gyfer y West Wales Association Champion Shield ar Bier y Mwmbwls, 1906.

Gwybodaeth ychwanegol am y brodyr Watkin - Roedd Band gwobrwyol y Dref 1905 - 06 yn cynnwys y pum brawd Watkin: Y Bandfeistr W B (Willie) Watkin a ymfudodd yn ddiweddarach i Ganada; Herbert; Johnny; Bob; a Christopher (a ddaeth yn Fandfeistr yn Farics Lanion yn nhref Penfro). Mae Mr W D Watkin, mab Christopher yn dwyn i gof fod dau fand yn Llandeilo ar ddechrau'r 1900au. Arferai Band y Dref ymarfer mewn sied fawr yn y mart, a'r band arall, sef y Band Gwirfoddol oedd yn gysylltiedig a'r Lleng Brydeinig yn ymarfer yn ardal y Bank Buildings. Byddai'r bandiau yn chwarae bob yn ail wythnos ym Mharc Penlan am 7 o'r gloch ar nos Sul yn yr haf, gyda phobl y dref yn ymgynull yno ar ôl gwasanaeth gyda'r hwyr. Mae talentau cerddorol yn rhedeg yn y gwaed gan fod ŵyr Mr Watkin, David Watkin, yn chwaraewr cello o fri.

Sylwadau (0)

Rhaid mewngofnodi i bostio sylw