Bomiwyd tref farchnad Durango yng Ngwlad y Basg gan awyrennau'r Almaen ychydig ddyddiau cyn dinistr tref Guernica. Lladdwyd tua 500 o drigolion yn yr ymosodiad a ddigwyddodd ar ddiwrnod marchnad prysur. Mae'r ffotograff hwn yn rhan o gasgliad a ddaethpwyd ag ef yn ôl i Gymru gan Williams Hughes, gwirfoddolwr o Sir Fôn a helpodd gyda'r ymdrech dyngarol yn ystod Rhyfel Cartref Sbaen ac a adroddodd ar ddigwyddiadau yn y wlad. Defnyddiodd y ffotograffau hyn yn ei ddarlithoedd am y gwrthdaro yng Nghymru a thu hwnt.