Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Cricieth - Murlun yng nghyntedd y Neuadd Goffa gan Ffion Gwyn.
HEDDWCH 1918-2018.
Daeth diwedd ar y Rhyfel Mawr, gyda'r dathlu wrth groesawu'r milwyr adref, yn ôl i'w bro, i'w cynefin a'u cartefi. Camu oddi ar fwrlwm a chynnwrf y tren i orsaf gyfarwydd Cricieth, i gyfarfod a'u teuluoedd o'r diwedd. Yn y dorf; tadau a mamau, meibion a merched, gwragedd, brodyr a chwiorydd, teidiau a neiniau, ffrindiau annwyl - all yn estyn llaw neu gofleidio'n dyner gan sibrwd geiriau caredig, cysurlon. Gwraig yn gafael mewn llythyr o newyddion o faes y gad, a'r bluen wen yn llaw'r plentyn, wedi disgyn o'r golomen uwch ben, all erbyn hyn yn neges o obaith am ddyfodol gwell.
Er y dathlu, 'dyw pelydrau'r haul llachar uwchben ddim yn cyffwrdd pawb - beth am rheini a brofodd dristwch, tor calon, dicter a ffawd? Gwelir bod yna angerdd, a thosturi wedi suddo i fyw llygaid rhai, a duwch yn llechu dan fondo'r orsaf. Ceir poster ar ben arall yr orsaf "I Fyddin Fechgyn Gwalia" yn dal yn y cysgodion, yn atgof anghynnes o'r hyn oedd i'w ddisgwyl.
Ar brynhawn braf, dacw'r castell a'i furiau cryfion ar y gorwel, y golomen wen uwchben yn ymestyn ei hadenydd mewn awel o wynt cynnes - dathliad o ddiwedd a dathliad o ddechrau newydd. Cafodd llawer o'r teimladau a fynegwyd uchod eu hymgorffori mewn cerdd Gymreig gan T. E. Nicholas, 'Niclas y Glais', yn ei gasgliad; 'Cerddi Rhyddid', Dyddiau Heddwch. Gwelir y gerdd ar dudalen o bapur newydd ym mlaendir y paentiad, atgof o obaith, terfyn a "Heddwch".
Sylwadau (0)
Rhaid mewngofnodi i bostio sylw