Yn ystod Rhyfel Cartref Sbaen defnyddiodd y Cenedlaetholwyr o dan Francisco Franco gyrchoedd awyr yn rheolaidd yn erbyn eu gwrthwynebwyr y Gweriniaethwyr. Arweiniodd hyn at ddinistr llawer o drefi a dinasoeedd a marwolaeth nifer o ddinasyddion Sbaen. Mae'r llun hwn yn rhan o gasgliad a ddychwelodd i Gymru gyda John Williams Hughes o Sir Fôn, a aeth i Sbaen fel gwirfoddolwr yn y Corfflu Ambiwlans. Tynnwyd y llun gan Asiantaeth Ffotograffaeth Luis Vidal Garrigues o Valencia.