Crwyd y ffris hwn ar gyfer cofeb Picton, a gynlluniwyd gan John Nash, ac a gwblhawyd ym 1828. Gwaith E. H. Bailey yw'r ffris. Mae'r adran hon yn dangos marwolaeth y Cadfridog Picton yn Waterloo ym 1815. Gwelir Picton yn disgyn o'i geffyl i freichiau milwr o Adran yr Ucheldiroedd. Ganed y Cadfridog Syr Thomas Picton yn Poyston, Sir Benfro ym 1754. Fe'i gomisiynwyd i'r fyddin ym 1771, ac fe ddaeth yn Llywodraethwr ar Drinidad ym 1796. Enillodd Picton ei enw da fel comander medrus yn ystod Ymgyrch Gorynysol Sbaen, o dan Wellington. Wedi colled Byddin Napoleon ym 1814, dychwelodd i Iscoed, Glanyferi, Sir Gaerfyrddin, ond cafodd ei ail-alw i'r lliwiau wedi i Napoleon ddianc o Elba. Er i Picton gael ei anafu dau ddiwrnod cyn hynny yn Quatre Bras, fe barhaodd i orchymyn ei ŵyr ym Mrwydr Waterloo, 18 Mehefin 1815. Cafodd ei ladd yn arwain ei ddynion yn erbyn ymosodiadau'r gelyn.