Cyflwynwyd y medalau coffaol hyn i deuluoedd y gŵyr a'r gwragedd a fu farw ar faes y gad yn y Rhyfel Mawr (1914-18). Yr enw cyffredin ar y fedal oedd y 'Dead Man's Penny'. Roedd wedi ei gwneud o efydd ac yn mesur tua 4 modfedd a hanner ar draws. Cafodd y rhan fwyaf o'r medalau eu cynhyrchu yn ffatri arfau Woolwich (Llundain). Yn ogystal â'r fedal hon, derbyniodd teuluoedd y meirw sgrôl addurnedig lliw a llythyr printiedig o Balas Buckingham wedi ei lofnodi gan y Brenin. Cynlluniwyd y fedal gan Edward Carter Preston (1885-1965), cynhyrchydd medalau/cerflunydd o Lerpwl. Roedd Preston wedi ennill cystadleuaeth cenedlaethol i gynllunio'r fedal goffaol.

Mae'r fedal hon yn coffau Thomas Owen.