Sampler a wnaed gan Margaret Davies, Caerfyrddin, 1853

Disgrifiad

Mae'r sampler hon wedi'i dominyddu gan ddau aderyn mawr, lliwgar wedi'u gosod yn y canol. Mae dau Giwpid, cŵn, ceirw a blodau wedi'u trefnu o amgylch y motiffau adar mawr. Mae'r wneuthurwraig wedi brodio'i henw a phennill yng nghanol y sampler: 'Margaret Davies, aged 19 years 1853 and Adam said this / when my father and mother is now bone(sic) of / forsake me then shall the Lord shall take me up.' Mae gan Amgueddfa Sir Caerfyrddin sampler arall gan Margaret Davies, ac mae'n bosibl mai'r un wneuthurwaig ydyw. Mae'n ymddangos mai iaith gyntaf Margaret Davies oedd Cymraeg, ac mai dyna'r rheswm pam na lwyddodd i orffen ei phennill. Roedd y rhan fwyaf o sampleri yn cael eu gwneud gan wneuthurwyr ifancach ac ni wyddys pam i Margaret Davies barhau i wneud sampleri hyd nes ei bod yn bedair ar bymtheg, er mae'n bosibl ei bod yn ddisgybl-athrawes. Wedi'i frodio mewn pwyth croes a phwyth satin mewn gwlanoedd lliw ar gynfas rhwydwaith dwbl. Mesuriadau: 50cm x 69cm.