Roedd Pwytho Straeon yn waith celf cydweithredol a gafodd ei bwytho a'i leisio gan bobl mynyddoedd y Preseli yng Ngogledd Sir Benfro.
Dros yr Hydref a’r Gaeaf 2018-19 gwahoddwyd preswylwyr i gymryd rhan mewn cyfres o weithdai tecstilau arbrofol i greu darn o gelf a oedd yn cynrychioli cysylltiadau personol pobl â’r dirwedd hynafol, fel rhan o’r prosiect ehangach Ein Cymdogaeth Werin Preseli.
Cyfrannodd pobl hen ac ifanc at y darn gwych hwn o hanes byw sy'n rhoi cipolwg ar fywyd yn y gornel anghysbell ac unigryw hon yng Nghymru.
Casglwyd y recordiadau hyn fel rhan o'r prosiect, ac roedd rhai yn ymddangos yn y cwilt digidol rhyngweithiol.
Artistiaid sy'n ymwneud â'r prosiect: Nia Lewis, penny d jones a Linda Norris.
Cyflawnwyd y prosiect hwn gan SPAN Arts & PLANED gydag arian o Gronfa Treftadaeth y Loteri Genedlaethol.