Sgwrs gan Dilys Jones (yn Saesmeg) am ei thad-cu, Richard Lewis Jones, Penwenallt, Cwm Cou, Castellnewydd Emlyn, yn seiliedig ar bapurau R. L. a'r dyddiaduron a gadwodd rhwng 1915-1932. Ceir darlun o'r cyfraniad a wnaed ganddo i'r gymuned amaethyddol yn ne'r sir rhwng y ddau ryfel byd, yn cynnwys hanes tenantiaeth fferm Penwenallt a'i gyfraniad i'r ymdrech genedlaethol i gynyddu cynhyrchu llaeth, sefydlu ffatri laeth yng Nghastellnewydd Emlyn yn 1920 a chymryd rhan yn nhreialon Bridfa Blanhigion Cymru. Yn dilyn hynny wedyn ceir hanes ei gyfraniad i'r Sioe Frenhinol, yn cynnwys ei gyfnod fel Is-lywydd a hefyd cyfarwyddwr da byw y Sioe Fawr, a'r penderfyniad i fabwysiadu safle parhaol i'r sioe yn Llanelwedd (1960).