Mae'r set yma o luniau yn cyfleu'r ymdeimlad o hapusrwydd a'r rhyddhad a deimlwyd gan rai gafodd eu heffeithio fwyaf gan bandemig Covid- 19, yn foesol ac yn seicolegol. Cafodd nifer eu cyfyngu i'w cartrefi eu hunain tan fis Mawrth 2021 oherwydd peryglon cymdeithasu.

Fel rhan o Brosiect Ymarferol y Diwydiannau Creadigol, bydd y myfyrwyr Gradd Sylfaen mewn Ffotograffiaeth yng Ngholeg y Cymoedd  yn cyfrannu at archifau Casgliad y Werin Cymru i helpu i ddarparu gwell dealltwriaeth o Bobl yng Nghymru'r 21ain Ganrif. Y nod yw cael myfyrwyr i gydnabod eu hetifeddiaeth o fewn Ffotograffiaeth yng Nghymru ond hefyd i ddangos yr hyn mae Pobl Cymru yn yr unfed ganrif ar hugain yn ei gynrychioli.