Mae 2020 a 2021 wedi bod yn flynyddoedd anodd i bawb yn byw trwy bandemig byd-eang. Bydd y gyfres hon o ddelweddau yn edrych ar bobl Cymru a sut maent wedi ymdopi yn ystod y pandemig, a sut maent yn dechrau dychwelyd i ryw fath o normalrwydd.

Fel rhan o Brosiect Ymarferol y Diwydiannau Creadigol, bydd y myfyrwyr Gradd Sylfaen mewn Ffotograffiaeth yng Ngholeg y Cymoedd yn cyfrannu at archifau Casgliad y Werin Cymru i helpu i ddarparu gwell dealltwriaeth o Bobl yng Nghymru'r 21ain Ganrif. Y nod yw cael myfyrwyr i gydnabod eu hetifeddiaeth o fewn Ffotograffiaeth yng Nghymru ond hefyd i ddangos yr hyn mae Pobl Cymru yn yr unfed ganrif ar hugain yn ei gynrychioli.