Roedd Annie Williams [4ydd ar hyd y rhes gefn] yn fyfyriwr ar y cwrs amaethyddiaeth blwyddyn o hyd, yn ystod 1950-51. Ar ôl iddi adael Llysfasi, aeth Annie i weithio ar Fferm Ddol, yn Llansannan, lle'r oedd yn gwneud caws, menyn ac ati. Daeth i'w hadnabod fel 'Annie Ddol’ a daliodd i weithio yno nes iddi briodi, pan symudodd i'r Bala. Yno bu'n rhedeg Caffi'r Cyfnod am flynyddoedd cyn ymddeol. Bu farw yn Ionawr 2017 a chafodd ei llwch ei wasgaru, yn  ôl ei dymuniad, ar fryniau Hiraethog, ardal oedd yn agos iawn i'w chalon.