Fe wnaeth Cystadleuaeth 'Minecraft Eich Amgueddfa’ wahodd disgyblion ysgol 6-11 oed i ddefnyddio eu dychymyg i adeiladu eu hamgueddfa ddelfrydol yn Minecraft. Cafodd y gystadleuaeth ei lansio gan Amgueddfa Cymru - National Museum Wales yn ystod cyfnod clo COVID-19, er mwyn annog creadigrwydd a sgiliau digidol tra oedd disgyblion yn dysgu o gartref.

Crewyd yr amgueddfa hon gan Greta Wyn Jones ym Mlwyddyn 4. Gwaith gwych, Greta!

Disgrifiad Greta o'i hamgueddfa: Rydw i wedi creu amgueddfa sydd yn canolbwyntio ar hanes boddi Tryweryn. Mae cyntedd yr amgueddfa yn reit arferol, ond wedyn mae'r ymwelydd yn mynd ar rolercoster o dan y dŵr i weld pentref Tryweryn dan y dŵr. Ar ddiwedd y daith mae llun o'r geiriau 'Cofiwch Tryweryn'.