Mae’r map digidol yn waddol arloesol y prosiect hwn. Drwy gydol y prosiect, mae nifer o wirfoddolwyr, o dan arweiniad Sian Nicholas, arweinydd y prosiect, wedi bod yn dwyn ynghyd bas data o bob milwr o Aberystwyth y gellid ei adnabod ac a wasanaethodd yn y Rhyfel Byd Cyntaf. Mae’r bas data yn cynnwys cymaint o wybodaeth ag yr oedd hi’n bosib ei chanfod am y rhai fu’n gwasanaethu (yn ddynion a menywod) – eu henwau, dyddiad eu geni, cyfeiriad yn Aberystwyth, eu galwedigaeth cyn y rhyfel, ym mha adran y buont yn gwasanaethu yn y rhyfel, eu swyddogaeth, catrawd – neu adran gyfatebol, lleoliad(au) y buont yn gwasanaethu ynddo, y medalau a enillwyd, prun ai a wnaethant oroesi’r rhyfel ai peidio, ac os na, beth a achosodd eu marwolaeth ac ym mhle y cawsant eu claddu.

Mae mwy o fanylion i’w cael yn ein blog (Saesneg yn unig):
https://aberystwyth-at-war.blogspot.com/2019/11/aberystwyth-at-war-onli…