Peniarth Arms (Brigands Inn erbyn hyn) Mallwyd, ar ddechrau'r 1900au. Mae'r dafarn ar y groesffordd ym Mallwyd yn dyddio'n ôl i'r 16eg ganrif ac wedi newid ei henw sawl gwaith. Tua 1900 yr oedd yn dal i gael ei hadnabod fel y Peniarth Arms, gan newid i Cross Foxes yn ddiweddarach, wedi ei gymryd o arfbais Peniarth. Wedi hynny newidiodd yr enw i The Bury. Roedd cryn dipyn o ddicter ymysg y bobl leol pan roddwyd yr enw presennol i'r dafarn, The Brigands Inn. Byddai'r fersiwn Gymraeg, Tafarn y Gwylliaid, wedi bod yn llawer gwell ganddynt. O gasgliad Gwyndaf Breese.