Tynnwyd y ffotograff gan John Thomas.

Roedd y bardd Pedrog (John Owen Williams) (1853-1932) yn frodor o Lanbedrog, Sir Gaernarfon. Gweithiodd fel garddwr ac yna fel gwerthwr yn Lerpwl cyn dechrau ar ei waith fel pregethwr gyda'r Annibynwyr yn y ddinas ym 1884, lle'r arhosodd hyd 1930. Roedd yn Archdderwydd Cymru rhwng 1928 a 1932 ac yn Gadeirydd Undeb yr Annibynwyr Cymraeg ym 1927. Cyfrannai'n gyson i'r wasg Gymraeg ac enillodd nifer helaeth o wobrau eisteddfodol. Bu'n golygu'r cyfnodolyn 'Y Dysgedydd' rhwng 1922 a 1928.