Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Mae hysbyseb am Westy'r Frenhines ar dudalen gyntaf 'Aberystwyth Official Guide and Souvenir' a gyhoeddwyd gan Gorfforaeth Aberystwyth ym 1924. Bryd hynny, Cwmni Cambrian Coast Hotels Cyf. oedd perchennog y gwesty a ch âi ei gymeradwyo gan yr AA (Automobile Association). Nodir yn arbennig fod lle i 160 yn yr Ystafell Dderw i ymgymryd â danteithfwyd i dê a chinio. Hybir argaeledd lifft drydan i roi mynediad i bob llawr yn ogystal â garej i 60 car. Enw'r rheolwr oedd W H Jervis. Gwesty'r Frenhines oedd, ar un adeg, y gwesty mwyaf a thrawiadol yn yr ardal. Fe'i agorwyd ar Fai 1af 1866, yn fuan ar ôl i'r rheilffordd gyrraedd y dref. Fe'i hadeiladwyd ar gyfer Cwmni Hafod Hotel gan George Lumley o Aberystwyth. Roedd yno o leiaf 83 ystafell gysgu. Aeth y Cwmni Hafod Hotel yn fethdalwyr ym mis Tachwedd 1866 a phrynwyd y gwesty gan y Cwmni Mid-Wales Hotel. Fe'i cymerwyd drosodd gan W H Palmer ym 1876/7. Cafodd ei ddefnyddio gan y Brifysgol i gynnal dosbarthiadau celf ac fel neuadd breswyl o 1892. Prynodd y Cwmni Cambrian Railway y gwesty ym 1914 a'i wella (ychwanegu gwres canolog) yn 1915. Yn ystod yr Ail Ryfel Byd fe'i defnyddiwyd gan yr RAF a hefyd fel ysbyty mamolaeth. Ym 1951 fe'i newidiwyd yn swyddfeydd i Gyngor Sir Aberteifi ac yn orsaf heddlu. Yn ddiweddar fe'i ddefnyddiwyd fel swyddfa'r heddlu yn y gyfres trosedd boblogaidd ar y teledu - 'Y Gwyll'.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw