Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Dyma stori Edwin Titchener (1921-1998) (Uncle Eddie)a oedd yn reifflwr yn ystod yr Ail Ryfel Byd a rhannwyd gyda ni gan Craig Titchener.
Roedd Edwin Titchener yn fab i Ernest William Titchener ac Eliza Jane Titchener née Puddy. Ganed Edwin yng Nghas-gwent ar yr 2il o Ebrill 1921. Priododd Ann Hutchinson ym 1942 gan symud i Bont-y-pŵl ac yna Cwmbrân (gweler y 12fed a'r 13eg llun). Yn ystod y Rhyfel, gwasanaethodd Edwin yn y 7fed Bataliwn, Cameroniaid (Reifflau yr Alban) fel Reifflwr. Gallwch weld enghraifft o'r hyfforddiant a gafodd Edwin yn yr 11eg llun. Mae'n werth nodi hefyd bod y gatrawd wedi camsillafu cyfenw Ediwn (gweler y 10fed llun).
Yn ystod y Rhyfel, anfonodd Edwin (Uncle Eddie) lawer o lythyrau caru at ei wraig tra roedd yn gwasanaethu dros ei wlad. Yr unig anaf a ddioddefodd Edwin oedd anaf i'w ben-glin pan saethodd cêl-saethwr ato, plymiodd i'r llawr, gan lanio ar wydr oedd wedi torri! Ar ôl y Rhyfel, dychwelodd adref i Ann. Ni chawsant blant, ond roeddent yn gwpl perffaith ac fe dathlodd dros hanner can mlynedd yn briod nes i Ann farw ym 1995.
Roedd gan Edwin ddau frawd, Ivor Titchener (1918-1992) ac Ernest Elysee Titchener (1923-1984) (gweler llun 14). Symudodd Ivor i Bont-y-pŵl i fyw gydag Edwin am gyfnod ar ôl y Rhyfel (gweler delweddau 15-19). Priododd Ivor â Patricia Maskill ym 1941, ond byrhoedlog oedd y briodas oherwydd y perthynas rhwng Patricia a brawd iau Ivor, Ernest. Symudodd Ivor i'r Almaen i astudio celf ac wedyn i Awstralia lle, mewn llythyr at Edwin, dywedodd ei fod yn byw fywyd bohemaidd ac yn edrych am yr ystyr i fywyd. Nid oedd Edwin wedi gweld Ivor ers dros ddeugain mlynedd. Darganfuwyd yn ddiweddarach fod Ivor wedi marw ym mis Mai 1992.
Fel bachgen, roedd Ernest yn gweithio i siop Thomas yn Cas-gwent. Rhoddwyd ei enw canol Elysee iddo gan ei dad bedydd, er nad oes llawer yn hysbys amdano heblaw ei fod yn Ffrangeg / Canada a oedd yn ffrind i'r teulu. Priododd Ernest ag Ellen Davies ym 1952 a daeth yn dad i Pamela a Patricia (mam Craig). Mae gan Craig gitâr Ernest o hyd (gweler llun 21). Bu farw Ernest ar y 4ydd o Fehefin 1984, yn 60 mlwydd oed (Penblwydd Craig yn 7 mlwydd oed). Yn y llun olaf, gallwch weld Craig yn eistedd ar ben-glin ei dad-cu Earnest ym 1977.
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw