Mae Carlos Calvo, Conswl yr Ariannin, Llundain, yn ysgrifennu at y Parch. Michael D. Jones i'w hysbysu ei fod wedi cael ei benodi yn Gomisiynydd Ymfudo Gweriniaeth yr Ariannin. Mae'n awyddus i annog mwy o lafurwyr amaethyddol a chrefftwyr Cymreig i ymfudo i'r wlad, gan iddynt gyfrannu cymaint i ddatblygiad y Wladfa yn Chubut. Hoffai wybod a yw Michael D. Jones yn fodlon cydweithio ag ef. Ar hyn o bryd, nid yw llywodraeth Ariannin yn medru talu costau teithio'r ymfudwyr, ond mae trefniadau yn cael eu gwneud gyda chwmnïau llongau i gynnig tocynnau rhad (£6) i deithwyr.