Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.
Disgrifiad
Tynnwyd y ffotograff gan John Thomas.
Ganed y gantores Sarah Edith Wynne (1842-97) yn Nhreffynnon, Sir y Fflint. Dechreuodd ganu pan oedd yn ferch ifanc a phan oedd yn 14 oed symudodd i Lerpwl lle derbyniodd wersi cerdd. Gwnaeth ei hymddangosiad cyhoeddus cyntaf fel soprano mewn cyngerdd yn Llundain ym mis Mehefin 1862; perfformiodd mewn dwy gyngerdd arall yn y ddinas y mis canlynol, ac hefyd yn yr Eisteddfod Genedlaethol a gynhaliwyd yng Nghaernarfon y flwyddyn honno. Rhwng 1863-5 bu ar daith gyda Madame Patey, Santley ac Edward Lloyd ac ym 1864 hi oedd yn chwarae rhan arglwyddes Mortimer mewn cynhyrchiad o 'Henry IV' Shakespeare yn theatr Drury Lane, Llundain. Ym 1867 rhoddodd berfformiad cofiadwy yn Eisteddfod Genedlaethol Caerfyrddin pan fu'n rhaid iddi ganu o dan ymbarel oherwydd y glaw. Yn ystod y perfformiad, cafodd ei boddi gan swn y dorf a oedd yn llawer mwy awyddus i glywed Llew Llwyfo! Teithiodd i Unol Daleithiau America ym 1871 a bu ar gyrsiau cerddorol yn yr Eidal. Bu'n canu hyd at ddechrau'r 1890au.
Ffynonellau:
Y Bywgraffiadur Arlein, Llyfrgell Genedlaethol Cymru
https://bywgraffiadur.cymru/article/c-WYNN-EDI-1842
Eryl Wyn Rowlands
Oes gennych chi wybodaeth ychwanegol am yr eitem hon? Gadewch sylwad isod
Sylwadau (0)
Rhaid mewngofnodi i bostio sylw