Roedd Mihangel ap Iwan hefyd wedi ysgrifennu at ei fam a'i chwaer ddeuddydd ynghynt, mewn ymateb i'r llythyr a roddodd wybod iddo am salwch Mair. Mae'n ofni bod Mair yn pryderu'n ormodol, a dywed wrthi y dylai roi gwybod iddo os oes rhywbeth yn ei phoeni, fel y gallai wneud rhywbeth i dawelu ei meddwl. Ar y llaw arall, dylai ymdrechu i gymodi pethau, i wneud mwy o gyfeillion, a gweld rhinweddau yn hytrach na gwendidau pobl eraill. Awgryma y dylai Mair, unwaith y bydd yn well, chwilio am swydd sy'n 'fendith i dy gyd-ddyn', megis nyrs mewn ysbyty. Er hynny, mae'n rhybuddio bod gan bob gwaith ei anfanteision. Mae'n amgáu £15 fel rhodd.