Print torlun leino o Ted Hughes gan Paul Peter Piech.

Bardd ac awdur llyfrau plant oedd Ted Hughes, sy’n cael ei ystyried yn un o feirdd gorau ei genhedlaeth, ac yn un o brif awduron yr ugeinfed ganrif. Dylanwadodd plentyndod Hughes yn Swydd Efrog yn fawr ar ei waith, a oedd yn delio ag arsylwadau o’r byd naturiol ac effaith niweidiol presenoldeb dyn arno. Apwyntiwyd ef yn Fardd Llawryfog ym 1984, a daliodd y teitl hyd ei farwolaeth ym 1998.