Print torlun leino o R. S. Thomas gan Paul Peter Piech.

Bardd ac offeiriad yn yr Eglwys yng Nghymru oedd Ronald Stuart, neu R. S. Thomas a oedd yn fwyaf nodedig am ei genedlaetholdeb, ei ysbrydolrwydd a’i atgasedd at y ffordd y gwelai Gymru yn cael ei Seisnigeiddio. Ysgrifennai ei farddoniaeth yn Saesneg, ond cyhoeddodd waith arall yn y Gymraeg hefyd. Yn llinyn drwy ran helaeth o’i gerddi oedd themâu tirlun a phobl Cymru, gydag is-destun gwleidyddol ac ysbrydol yn amlwg yn ei waith.