Llyfryn gan Esther Emment ac Eluned Morgan (1870-1938) a gyflwynir 'i sylw merched y Wladva ... yn y gobaith y bydd vel math o law-lyvr diymhongar iddynt, i helpu cadw eu cartrevi yn llyvn a deniadol, a chadw eu syniadau yn veddylgar a llariaidd'. Mae'r llyfryn hefyd yn cynnwys traethawd gan Mrs T. Williams, Tal-y-llyn (chwaer R. J. Berwyn), ar 'ddylanwad mam'. Cafodd yr ysgrifau hyn eu hysgrifennu yn wreiddiol ar gyfer eisteddfodau yn y Wladfa. Daeth Esther Emment i'r Wladfa ym 1891 a bu'n gweithio fel athrawes yn y Gaiman cyn dychwelyd i Gymru ym mis Mai 1892. Roedd Eluned Morgan yn ferch i Lewis Jones (1836-1904), un o arweinwyr y Wladfa. Bu'n amlwg ym mywyd diwylliannol a llenyddol y Wladfa ac fe gyhoeddodd nifer fawr o ysgrifau a llyfrau. Yn y fan hon, gellir darllen y 'Rhagymadrodd' gan Esther Emment a'r ysgrif gyntaf gan Eluned Morgan ar 'Drevnusrwydd Teuluaidd'.