Mae darlun Evans yn dangos glan y cei islaw pont Afon Gwy rywbryd ar ddiwedd y bedwaredd ganrif ar bymtheg. Sied rhisgl yw'r storfa fawr ar lan y cei ar ochr chwith y llun. Cafodd rhisgl derw lleol ei brosesu a'i storio yma cyn ei gludo i lawr yr afon.

Ganed Evans ym 1854, a bu'n dyst i ddyddiau olaf y masnachu ar yr afon yn Nhrefynwy. Mae'n bur annhebygol iddo weld yr holl bethau sydd yn ymddangos yn ei beintiadau: efallai iddo seilio ei ddarluniau ar wybodaeth o luniau cynharach, neu ddisgrifiadau bobl hŷn. Mae'r llun hwn yn cynnwys manylion diddorol iawn ynglŷn â'r bont: gellir gweld y 'bowhauliers' ar y lan ac yn y basddyfroedd y tu hwnt i'r cwch.