arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government

Gellir lawrlwytho cynnwys at ddefnydd anfasnachol, megis defnydd personol neu ar gyfer adnoddau addysgol.
Ar gyfer defnydd masnachol cysyllwch yn uniongyrchol gyda deilydd yr hawlfraint os gwelwch yn dda.
Read more about the The Creative Archive Licence.

Disgrifiad

Gellir gweld yr eitemau hyn ym mhrif oriel Amgueddfa Y Fenni fel rhan o arddangosfa 'Gwaith yn nhref Y Fenni'. Potel gwrw seramig Facey yw'r botel yn y llun; y tu ôl iddi mae poster/hysbyseb ar gyfer cwmni Facey yn dangos eu bragdy yn Stryd y Farchnad a lluniau o'u tri ar ddeg o dafarndai clwm.

Yn 1864/5 symudodd Samuel Henry Facey i 4, Cross Street, y Fenni, a oedd yn cynnwys gwesty y White Swan. Yno, sefydlodd fusnes ffyniannus gwirod a gwin. Penderfynodd y dylai adeiladu bragdy. Daeth o hyd i safle perffaith yn Stryd y Farchnad, yng nghanol y dref lle suddwyd ffynnon ddofn, ddibynadwy a oedd bob amser yn diwallu anghenion y bragdy a ddefnyddiai tua 3000 galwyn o ddŵr y dydd.

Parhaodd ei fab, Mr Frank H. Facey i ehangu'r busnes a'i enw da gyda chryn lwyddiant. Pan fu farw ef, cyflwynodd ei fab Frank E. W. Facey lawer o ddyfeisiadau newydd a gwerthwyd cwrw Facey ar hyd a lled y wlad.

Câi 3000 o gasgenni o gwrw eu bragu ganddynt bob blwyddyn, a gellid cynhyrchu a chapio 180 dwsin o boteli mewn awr. Yn ei anterth câi 24 o weithwyr eu cyflogi yno hefyd. Yr oedd bragu yn ddiwydiant pwysig yn y Fenni.

Gellir gweld yr eitemau hyn yn yr oriel Keep Gallery yn Amgueddfa'r Fenni.

Sylwadau (0)

Rhaid mewngofnodi i bostio sylw