Mae Condritau wedi’u creu o gylchoedd neu sfferau bach (chondrule) a glystyrodd at ei gilydd adeg cysawd cynnar yr haul, tua 4560 miliwn o flynyddoedd yn ôl. Byddai’r Ddaear wedi’i ffurfio o ddeunydd fel hwn yn wreiddiol.

Allwch chi weld ‘cramen’ ar yr wyneb? Roedd y meteorit yn iasoer (llai na -200⁰C) wrth gyrraedd yr atmosffer gan wibio ar gyflymder o 70 km yr eiliad. O fewn ychydig eiliadau, dechreuodd ffrithiant â’r atmosffer gynhesu wyneb y meteorit i bwynt berwi a chreu’r gramen dawdd.