arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government
  • Use stars to collect & save items A vector image of star to represent action to save this item  mewngofnodi i gadw'r eitem hon

Disgrifiad

Cafwyd hyd i'r gwrthrych hwn yn Ffynnon Eilian, Llaneilian, Sir Fôn, ym 1925. Darn o lechen tua thair modfedd o hyd a dwy fodfedd o led ydyw, gyda llinellau croes wedi eu crafu o'i hamgylch. Yng nghanol y llechen, mae'r llythrennau RF wedi eu cerfio a'r llythrennau OAM, MEM, AGM(?) ac (- - M) yn y corneli. Mae model cwyr ar ffurf corff dynol wedi ei gysylltu â chanol y llechen, gyda'r fraich chwith wedi ei dorri, a phinnau wedi eu trywanu drwy ganol y ddelw. Awgryma'r dystiolaeth i'r gwrthrych hwn gael ei osod yn y ffynnon gan rywun a oedd yn dymuno drwg i 'RF'. Roedd yn arferiad i bobl a oedd yn dymuno drwg i rywun arall, ysgrifennu enw neu lythrennau'r sawl a oedd am gael ei felltithio ar ddarn o lechen, ac yna ei gosod mewn ffynnon. Er bod y dŵr mewn rhai ffynhonnau yn cael ei ystyried yn llesol ac yn iachaol, daeth ffynhonnau eraill i enwogrwydd am resymau cwbl wahanol gan iddynt gael eu cysylltu â drygioni. Gelwid y ffynhonnau hyn yn 'ffynhonnau melltithio' lle byddai'r sawl a oedd am felltithio rhywun arall yn taflu eitemau i'r dŵr.

Sylwadau (0)

Rhaid mewngofnodi i bostio sylw