arrowbookcheckclosecommentfacebookfavourite-origfavouritegooglehomeibapdfsearchsharespotlighttwitterwelsh-government

Disgrifiad

Roedd yr allwedd hon yn rhoi mynediad i glwb nos o' r enw SIRS ar Heol y Santes Fair. Meddai Lewis Robinson: 'Fe wnaeth 'Sirs' agor yn ystod y 1970au a chau rhywbryd yn y 1990au. Mi ges i allwedd i 'Sirs' tua 1981 pan symudais i Gaerdydd. Clwb i aelodau yn unig oedd 'Sirs' ac roedd rhaid i chi gael allwedd er mwyn i chi allu mynd i mewn iddo. Clwb i ddynion hoyw yn unig ydoedd a châi dynion eu gwahodd i fod yn aelodau. Roedd 'Sirs' yn gwbl unigryw ac yn lle gwych i fynd iddo. Mae gen i lawer o atgofion hapus yno. Roedd yna deimlad gwych o ryddid yno am fod pawb yn gallu bod yn nhw eu hunain, doedd dim rhaid i chi guddio pwy oeddech chi, neu esgus bod yn rhywun arall. Roedd drws sengl i 'Sirs' drwy fynedfa' r stryd, ac roedd angen yr allwedd arnoch i fynd i mewn trwy'r drws hwn. Nid oedd unrhyw arwyddion na dim i nodi mai 'Sirs' ydoedd, felly doedd gan y dyn cyffredin ddim unrhyw syniad bod clwb i hoywon yno.'

Sylwadau (0)

Rhaid mewngofnodi i bostio sylw