Roedd Adran 28 yn rhan o Ddeddf Llywodraeth Leol. Daeth y ddeddf i rym ym 1988 gan nodi 'na ddylai awdurdod lleol yn hyrwyddo gwrywgydiaeth yn fwriadol na chyhoeddi deunydd â’r bwriad o hyrwyddo gwrywgydiaeth' na 'hyrwyddo dysgu mewn unrhyw ysgol a gynhelir bod gwrywgydiaeth yn dderbyniol fel perthynas deuluol honedig'. O ganlyniad iddi, roedd sawl aelod o staff addysgu cynghorau’n anfodlon trafod materion hoyw â myfyrwyr a chafodd llawer o grwpiau cymorth mewn ysgolion a cholegau eu cau. Dadl yr ymgyrch dros ei diddymu oedd bod Adran 28 yn gwahaniaethu yn erbyn pobl hoyw a’i bod yn ddeddf anoddefgar ac anghyfiawn. Diddymwyd y ddeddf yn 2000 yn yr Alban ac yn 2003 yng ngweddill y DU.