Llythyr oddi wrth Mary Jones, Beaver Dam, Wisconsin, at ei mab, John Griffith Jones, tra'r oedd yn ymladd yn Rhyfel Cartref America, 16 Awst 1863 [tudalen 1 o 3]

Disgrifiad

Mae mam John yn poeni nad yw wedi clywed dim oddi wrtho ers pythefnos er eu bod yn mynd i edrych yn aml. Aeth Owain i'r post yn unswydd dydd Gwener a dywed fod ei dad am fynd y prynhawn yma hefyd. Maent wedi gorffen cario'r ŷd i gyd heddiw. Maent wedi clywed fod Evan Richards adref ar 'furlough' er nad ydyn wedi ei weld eto. Dywed mam John fod Richard, ei frawd, eisiau mynd i ffwrdd yr wythnos nesaf rhag y drafft. Dywed ei fam ei fod fel yr oedd ef ddwy flynedd yn ôl i nawr, yn mynnu mynd heb fod rhaid iddo. Dywed y bydd edifar ganddo. Diwedda'r llythyr drwy ddweud wrth John 'i gadw dy olwg ar Iesu Grist ymhob amgylchiad lle bynag y byddi am dy fywid ynddo Ef'.