Dywed John eu bod wedi symud ymlaen deunaw milltir ac mai dim ond eu brigâd nhw sydd yma hyd yn hyn o'r 13 corfflu oedd yn dod efo'r trên. Dywed fod y 'Rebs yn treio troublio ein provisions' ond mae'n credu y bydd ganddynt fyddin gref pan ddaw pawb at ei gilydd a fod criw da o wŷr efo ceffylau a fydd yn gwneud y rhan fwyaf o'r ymladd.

Dywed hefyd fod cryn dipyn o dwrw ymysg y bechgyn oherwydd fod [Banks?] yn rhoi gorchmynion mor llym ag mae John yn credu nad oes gan Corfflu'r 13 cystal cred ynddo ac yn Grant.

Mae John yn dweud eu bod yn derbyn dogn uwd ond mae yna orchymyn 'i riportio pob un a ddelir yn stragleo or Camp ai rhoddi ar hard labour'

Dywed John nad yw eu catrawd yn rhifo ond dau gant a hanner bellach gan gynnwys y nyrsys yn yr ysbyty.