Mae John wedi bod yn dioddef o'r cryd ers peth amser ond mae'r meddyg wedi rhoi ffisyg iddo a oedd yn 'ddigon pouth i losgi perfadd un' ac y mae'n teimlo llawer yn well erbyn hyn.

Mae wedi derbyn llythyr oddi wrth Moris Edwards Esq. a dywed y byddai'n hoffi derbyn llythyr arall ganddo. Gyda'r llythyr, yr oedd wedi anfon 'rhan o bregath gora a ddarllenais erioed'.

Mae 29 o ddynion wedi mynd lawr yr afon i Natchez ac mae'n disgwyl y byddant yn eu dilyn cyn hir. Dywed fod y lle yn fwy iach na Vicksburg.

Dywed fod T. E. Hughes a J. W. Jones yn iach ac fod y tywydd yn weddol braf. Mae'n annog ei rieini i wario'r deg dolar a anfonodd gyda'i lythyr diwethaf yn hytrach na'i gadw.

Mewn neges ar ddiwedd y llythyr, ysgrifenna John Griffith Jones iddo glywed fod Richard yn mynd i briodi merch ifanc hardd a'i fod yn cnoi tybaco hefyd.