Wedi ei adeiladu fel rhan o'r tŷ 17eg newydd, roedd yr Ystafell Wely Orau yn ystafell wely oedd wedi ei neilltuo ar gyfer y gwesteion mwyaf pwysig. Ganddi hi mae'r wynebwedd orau o'r holl ystafelloedd gwely, yn meddiannu cornel y tŷ, gyda ffenestri ar y ddwy wal ac yn edrych dros y dramwyfa tuag at y tŷ, gyda'r Gatiau Edney ardderchog ar un ochr a'r parcdir ar y llall.

Adeiladwyd y tŷ heb goridorau, yn l yr arfer ar y pryd. Gellid cael mynediad i'r holl ystafelloedd trwy ystafelloedd eraill. Lleolid yr ystafell hon, felly, ar ddiwedd dilyniant o ystafelloedd gwely a rhagystafelloedd, fel nad oedd symudiadau pobl eraill yn tarfu ar y gwesteion gorau. Ychwanegwyd y coridor, sydd bellach yn rhedeg yn gyfochrog 'r ystafelloedd gwely, yn ystod y cyfnod Fictoraidd, pan roddid mwy o werth ar breifatrwydd.