Ymgais i ail-greu tu mewn llong i ddangos y math o amgylchiadau byw yn y cabanau y gallai'r ymfudwyr fod wedi goddef wrth groesi Môr Iwerydd ar eu mordaith o Aberteifi i New Brunswick yng Nghanada. Ailgrewyd yr efelychiad hwn gyda chymorth myfyrwyr gwaith coed o Goleg Ceredigion dan oruchwyliaeth eu tiwtor, Ben James, gyda mewnbwn gan Nick Newland. Mae'r paneli arddangos yn cynnwys Baled yr Albion a ffotograffau o gasgliad Tom Mathias.