Enw mwy cyffredin ar Fwthyn Iarlles Nithsdale yn y Trallwng yw Bwthyn Grace Evans. Roedd Grace Evans yn forwyn i Iarlles Nithsdale, merch i Farcwis cyntaf Powys. Bu i Grace gynorthwyo'r Arglwydd Nithsdale i ddianc o Dŵr Llundain ym 1716. Yn dilyn y ddihangfa ddramatig fe fu i Arglwydd Nithsdale a'i wraig ffoi i Ffrainc a chymerasant Grace gyda nhw. Dywedir bod y bwthyn yn rhodd i Grace gan Arglwydd Nithsdale pan ddychwelodd hi i'r Trallwng.