Pâr o luniau stereosgop ar gerdyn yn dyddio o tua'r flwyddyn 1890 yn dwyn y teitl 'Golygfa o'r gamlas, Y Trallwng' ac yn dangos hen Warws Traphont y Trallwng gyda'i graen a'i winsh fawr bren. Roedd y cerdyn hwn yn un o gyfres o 'sleidiau lleol stereosgopig ar gyfer stereosgopau poced a rhai o fathau eraill'. Fe'u cyhoeddwyd gan Robert Owen, gŵr busnes o'r dref oedd yn gwerthu llyfrau a deunyddiau ysgrifennu, yn argraffu ac yn rhwymo llyfrau.