Engrafiad o adfeilion Castell Aberhonddu a'r bont dros Afon Honddu, lle mae'r afon yn ymuno ag Afon Wysg. Yn ôl un o gyhoeddiadau'r cyfnod 'the magnificent castle ... is now curtailed to a very insignificant ruin'. Mae melin Honddu ac olwyn y felin i'w gweld y tu hwnt i'r bont garreg gain, a gafodd ei dymchwel gan lifogydd ym 1853. Cafodd y print hwn ei engrafio ar gyfer 'The Antiquarian & Topographical Cabinet' ac mae'n seiliedig ar ddarlun gan y Parchedig C. Turner.