Helmed hirgrwn gyda phig cul; pêl ar y corun wedi ei chysylltu ag awyrdwll addurnedig; arfbais ar y blaen a chadwyn yn hongian o rosglwm ar yr ochr chwith, ar draws y blaen i'r cefn gan gysylltu â'r bêl ar y corun. Mae'r Bathodyn yn cynnwys yr arysgrif canlynol: '1st CARDIGAN R[oyal] GARR[ISON] ART[ILLERY] (VOL[UNTEER]S)'. Mae'r ffelt wedi cael ei drwsio mewn mannau. Mae enw'r gwneuthurwr ar label y tu mewn i'r helmed, sef 'HOBSON AND SONS, (ARMY CONTRACTORS), 1, 3 and 5 Lexington Street, Golden Square, London, W.', wedi ei brintio a'r geiriau 'Gt / G O JAMES / 7' wedi eu hysgrifennu â llaw.