Tynnwyd y ffotograff gan Geoff Charles. Defnyddid y 'car gwyllt' gan chwarelwyr y Graig Ddu i ddod i lawr y tri incléin serth o'r chwarel ar eu ffordd adref. Gof y chwarel fyddai'n gyfrifol am wneud y ceir gwyllt fel arfer, a hynny am tua 5 swllt yr un. Roedd y car gwyllt yn ddigon ysgafn i'w gario ar yr ysgwydd rhwng pob incléin. Ar ddiwedd y daith, gerllaw capel Bethania, byddai'r ceir gwyllt yn cael eu rhoi mewn wagen a fyddai'n cael ei dynnu i ben y chwarel, yn barod ar gyfer y diwrnod gwaith nesaf.