Tynnwyd y ffotograff gan Geoff Charles. Ym mis Tachwedd 1954, cafodd trên arbennig ei yrru ar Reilffordd Ffestiniog ar achlysur Cyfarfod Cyffredinol Blynyddol y Rheilffordd. Nid oedd trenau wedi rhedeg ar y lein ers peth amser ond fe deithiodd dau gerbyd tua dwy filltir ar ei hyd i orsaf Minffordd. Nid oedd locomotif ar gael, felly defnyddiwyd tractor diesel i dynnu'r cerbydau. Ar y dde (yn gwisgo cap a sbectol), mae Mr. Robert Evans yn sefyll - bu'n gweithio i gwmni'r rheilffordd am chwe deg o flynyddoedd.