Mae Cyrnol Vaughan i'w weld yn ganolig yn y cefn, o flaen y drws, gyda barf gwyn sylweddol.

Gwasanaethodd Cyrnol John Francis Vaughan gyda Chatrawd Sir Fynwy am ddeugain mlynedd. Pan ddechreuodd y rhyfel yn y Crimea, ni chaniateid i'w gatrawd ymladd dramor, gan mai Byddin Sir ydoedd, nid byddin arferol. Fodd bynnag, talodd Cyrnol Vaughan am ei docyn ei hun a theithiodd i'r Crimea er gwaethaf popeth. Pan welodd amgylchiadau byw erchyll y milwyr, ysgogwyd ef i ysgrifennu pamffled dylanwadol ar y pwnc a gyhoeddwyd yn ddienw.